İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 280 Hüküm no: 251 Orijinal metin no: [31a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kerime bt. Mehmed’in eşi Şaban b. Mustafa’dan boşandığı Hul‘. Mahmiye-i İstanbul’da Altıpoğaça mahallesinde sâkine Kerîme bt. Mehmed nâm hatun meclis-i şer‘-i hatîr-i lâzımü’t-tevkīrde zevci işbu râfi‘u’l-kitâb Şaban b. el-Hâc Mustafa mahzarında ikrâr ve takrîr-i kelâm edip zevcim mezbûr Şaban zimmetinde mütekarrir ve ma‘kūdün-aleyh olan üç yüz akçe mehr-i mü’eccelim ve nafaka-i iddet ve me’ûnet-i süknâm dahi kendi üzerime olmak üzere muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl ettikden sonra zevciyete müte‘allik cemî‘ de‘âvî ve mutâlebât ve eymân ve muhâsemâtdan her biri âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’s-sâbi‘ ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Mustafa Çelebi b. ( ), Ahmed Çelebi b. ( ), Camcı Hasan b. ( ), Receb Çelebi b. el-müezzin, Camcı Veli Çelebi b. ( )