İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 281 Hüküm no: 253 Orijinal metin no: [31a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mehmed’in eşi Abdullah Çelebi b. Mehmed’den boşandığı Hul‘. Mahmiye-i İstanbul’da Sinanpaşa mahallesinde sâkine Fâtıma bt. Mehmed nâm hatun meclis-i şer‘de zevci işbu sahibü’l-kitâb Abdullah Çelebi b. Mehmed mahzarında bi-tav‘ihâ ikrâr ve takrîr-i kelâm edip zevcim mezbûr Abdullah Çelebi zimmetinde mütekarrir ve ma‘kūdün-aleyh olan üç bin akçe mehr-i mü’eccelim üzerine ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzere muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allik âmme-i da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 28 min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Mehmed Efendi b. Abdülgani, Mehmed Ağa b. Kalender, Ahmed Çelebi b. Mahmud, Ahmed el-müezzin.