İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 322 Hüküm no: 306 Orijinal metin no: [38b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Ahmed’in Ahmed b. Ali’den alacağını tahsil ettiği İkrâr kabz-ı meblağ. Mahmiye-i İstanbul’da Kethudâ Hatun mahallesinde sâkin Mehmed Çelebi b. Ahmed nâm kimesne meclis-i şer‘de işbu sahibü’l-kitâb Ahmed b. Ali mahzarında bi-tav‘ihiikrâr ve takrîr-i kelâm edip târih-i kitâbdan üç sene mukaddem merkūm Ahmed altmış esedî guruş ikrâz ve teslîm ol dahi iktirâz ve kabz etmiş idi hâlâ meblağ-ı mezbûr altmış esedî guruşu mezbûr Ahmed yedinden bi’t-tamam ahz u kabz eyledim meblağ-ı merkūm altmış guruşdan mezbûr Ahmed zimmetinde bâkī bir akçe ve bir habbe hakkım kalmadı dedikde gıbbe’t-tasdîk mâ-vaka‘a bi’t-taleb ketb olundu. Fi’l-hâmis min-şehr-i Ramazani’l-mübârek li-sene isnâ ve seb‘în ve elf. Şuhûdü’l-hâl: Ahmed Beşe b. Mehmed, Mustafa Beşe b. Mahmud, Mehmed Beşe b. Ali, Osman Bölükbaşı b. Abdullah, Mehmed b. Ramazan, Abdi Çelebi b. Hüseyin, Mustafa b. Abdullah.