İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 353 Hüküm no: 350 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Receb b. Murad’ın ücret ile mutasarrıf olduğu odadan çıkarak Ramazan Beşe b. Abdullah’a teslimi tenbih olunması İhrâca tenbîh. Mahmiye-i İstanbul’da Esirhanı’nın hancısı Ramazan Beşe b. Abdullah meclis-i şer‘de zikri âtî odaya ücret-i ma‘lûme ile vâzı‘u’l-yed olduğu şer‘an sâbit olan Receb b. Murad mahzarında üzerine da‘vâ edip mezbûr Receb beher yevm ( ) ücret ile mutasarrıf olduğu odadan çıkıp bana teslîm etmek için birkaç def‘a mezbûra tenbîh olunup çıkmamakla savb-ı şer‘den hurûc ve ol odayı teslîme tenbîh olunmak taleb ederim suâl olunsun dedikde gıbbe’s-suâl mezbûr cevâbında fi’l-hakīka kazıyye ber-minvâl-i muharrerdir deyü ikrâr etmeğin ikrârı mûcebince ol odadan hurûc edip merkūm Ramazan Beşe’ye teslîme mezbûr Receb’e tenbîh birle mâ-vaka‘a bi’t-taleb ketb olundu. Fî 10 min-Ramazani’l-mübârek li-sene isnâ ve seb‘în ve elf. Şuhûdü’l-hâl: Hüseyin Efendi el-Burûsî, Keşfî Mustafa Efendi, Abdi b. Hüseyin, Rasûl b. Rıdvan, Mustafa b. İsa.