İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 376 Hüküm no: 380 Orijinal metin no: [48a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hüseyin’in Taraklıborlu’daki bağını Mustafa b. İbrahim’e sattığı Mübâya‘a. Fi’l-asl vilâyet-i Anadolu’da Taraklıborlu kazâsına tâbi‘ Bağlarbaşı nâm karye sükkânından olup hâlâ mahmiye-i İstanbul’da Sultan Mehmed kurbünde sâkin Mehmed b. Hüseyin meclis-i şer‘-i hatîr-i lâzımü’t-tevkīrde işbu râfi‘u’l-kitâb Mustafa b. İbrahim mahzarında ikrâr ve takrîr-i kelâm edip karye-i mezkûre sınırı dâhilinde vâki‘ bir tarafı Şaban Bey mülkü ve bir tarafı Ferhad nâm kimesne mülkü ve bir tarafı Ramazan nâm kimesne mülkü ve taraf-ı âharı tarîk-i âm ile mahdûd bir bâb tahtânî beyti ve altı tahta bağı ve bostan yerini ve eşcâr-ı müsmire ve gayr-ı müsmireyi müştemil bağımı bi-cümleti’t-tevâbi‘ ve’l-levâhık ve bostan yerini ve eşcâr-ı müsmire ve gayr-ı müsmireyi müştemil bağımı bi-cümleti’t-tevâbi‘ ve’l-levâhık fıddî râyic fi’l-vakt yedi bin akçeye mezbûr Mustafa’ya bey‘ ol dahi iştirâ ve kabûl eyledikden sonra semeni olan meblağ-ı mezbûr yedi bin akçeyi mezbûr Mustafa yedinden ahz u kabz edip meblağ-ı mezbûru mahâllinde kabza taslît eyledim dedikde mukırr-ı muzbûru vech-i muharrer üzere cârî olan ikrârında mezbûr Mustafa vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min-şehr-i Ramazani’l-mübârek li-sene isnâ ve seb‘în ve elf. Şuhûdü’l-hâl: Hamdi Efendi b. el-Hâc Süleyman, Emrullah b. Mustafa, es-Seyyid Mehmed Çelebi b. el-Hattât, Hasan b. Davud, Hüseyin b. el-Hâc Hüseyin, Osman Çelebi b. Mustafa, Halil b. Ahmed Kethudâ-yı Muhzırân Abdi Çelebi b. Hüseyin, Gazenfer b. Tevekkül, Kasap Mustafa b. Mehmed ve gayruhum.