İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 399 Hüküm no: 418 Orijinal metin no: [52a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Yusuf’un Mehmed Çelebi’ye borçlu olduğunu kabul ettiği İkrâr-ı deyn. İşbu râfi‘u’r-rakīm Mehmed Çelebi b. el-Hâc Ahmed meclis-i şer‘de Halil b. Yusuf mahzarında üzerine takrîr ve da‘vâ edip mezbûr Halil zimmetinde beynimizde ma‘lûm menzil ücreti ile küp semeninden bin seksen akçe hakkım vardır hâlâ taleb ederim suâl olunsun dedikde gıbbe’s-suâl merkūm Halil cevâbında fi’l-vâki‘ müdde‘î-yi mezbûrla beynimizde ma‘lûm menzil ücreti ile küp semeninden bin seksen akçe deynim vardır deyü bi-tav‘ihiikrâr ve i‘tirâf etmeğin mûcebince meblağ-ı mezbûr bin seksen akçeyi müdde‘î-yi mezbûra edâ ve teslîme merkūm Halil’e tenbîh birle mâ-vaka‘a bi’t-taleb ketb olundu, Fi’l-yevmi’l-işrîn min-Ramazani’l-mübârek li-sene isneyn ve seb‘în ve elf. Şuhûdü’l-hâl: es-Sâbıkūn.