İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 482 Hüküm no: 544 Orijinal metin no: [66b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maktul Mimarbaşı Mustafa Ağa’nın cariyesi Rus asıllı Şemsimah’ın hür olduğu Itâknâme. Ve yine magzûben katl olunan Mi‘mârbaşı Mustafa Ağa’nın menzilinde sâkine siyah açık kaşlı, elâ gözlü Rusiyyü’l-asl Şemsimâh nâm sagīrenin kıbel-i şer‘den mansûb vasîyy-i şer‘îsi olan Hanefî Çelebi b. Ali meclis-i mezbûrda maktûl-i mezbûrun bâ-fermân-ı âlî cümle metrûkâtını cânib-i mîrî için zabteden müşârün-ileyh efendi hazretleri huzûrunda bi’l-vesâye da‘vâ edip vasîsi olduğum sagīre-i mezbûre Şemsimâh maktûl-i mezbûrun câriye-i memlûkesi olup katl olunmazdan bir gün mukaddem Çavuşbaşı habsindeyken mezbûr Mustafa Ağa sagīre-i mezbûreyi hasbeten lillâhi’l-hallâk tahrîr ve i‘tâk [eylediği] bâlâda tafsîli mürûr ettiği vech üzere isbât olunup hürre olunduğu kayd-şüd. Fi’t-târihi’l-mezbûr sene [10]72. Şuhûdü’l-hâl: es-Sâbıkūn.