İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 482 Hüküm no: 545 Orijinal metin no: [66b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maktul Mimarbaşı Mustafa Ağa’nın kölesi Çerkes asıllı Şahin’in hür olduğu Itâknâme. Ve yine magzûben katl olunan Mi‘mârbaşı Mustafa Ağa’nın menzilinde sâkine açık kara kaşlı, kara gözlü, Çerkesiyyü’l-asl Şahin nâm sagīrin kıbel-i şer‘den mansûb ve vasîsi olan Hanefî Çelebi b. Ali meclis-i mezbûrda maktûl-i mezbûrun bâ-fermân-ı âlî cümle metrûkâtını cânib-i mîrî için zabteden müşârün-ileyh efendi efendi hazretleri huzûrunda bi’l-vesâye üzerine da‘vâ edip vasîsi olduğum sagīr-i mezbûr Şahin maktûl-i mezbûrun abd-i memlûkü olup katl olunmazdan bir gün mukaddem Çavuşbaşı habsinde iken mezbûr Mustafa Ağa sagīr-i mezkûru hasbeten lillâhi’l-hallâk mâlından ifrâz ettiği bâlâda tafsîli mürûr ettiği vech üzere hürriyeti isbât olunup hür olunduğu kayd-şüd. Fi’t-târihi’l-mezbûr sene [10]72. Şuhûdü’l-hâl: es-Sâbıkūn.