İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 512 Hüküm no: 588 Orijinal metin no: [71b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hasan’ın, Rus asıllı cariyesi Selamet bt. Abdullah’ı azat ettiği Itknâme. Mahmiye-i İstanbul’da Ördek Kasab mahallesinde sâkine Fâtıma bt. Hasan nâm hatun meclis-i şer‘de kendiye rıkkını mu‘terife işbu açık kaşlı, orta boylu, gök elâ gözlü Rusiyyetü’l-asl râfi‘atü hâzihi’l-vesîka Selâmet bt. Abdullah nâm câriye-i memlûkesi mahzarında ikrâr edip câriye-i memlûke-i mevsûfe-i mezkûreyi hasbeten li’llâhi’l-Hallâk tahrîr ve i‘tâk ve silk-i harâ’ir-i asliyâta idrâc ve ilhâk eyledim ba‘de’l-yevm mezbûr[e] Selâmet sâir harâ’ir-i asliyât gibi hürre olup üzerinde velâdan gayrı hakkım kalmadı dedikde mâ hüve’l-vâki‘ bi’t-taleb ketb olundu. Fi’l-hâdî ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Abdünnebi b. Mustafa, Hacı Ahmed b. Mehmed, Osman b. Mustafa, Osman Çelebi b. Abdullah, Mahmud b. İsmail, Şükrullah b. Mustafa, Rasûl b. Rıdvan.