İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 512 Hüküm no: 587 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Receb ile eşi Receb Beşe b. Mehmed’in muhâlaa ile boşandıkları Hul‘. Mahmiye-i İstanbul’da Manisalı Çelebi mahallesinde sâkine Âişe bt. Receb nâm hatun meclis-i şer‘de zevci işbu râfi‘u’l-kitâb Receb Beşe b. Mehmed mahzarında ikrâr ve takrîr-i kelâm edip zevcim Receb zimmetinde mütekarrir ve ma‘kūdün-aleyh olan üç bin akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Receb ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika âmme-i de‘âvîden mezbûr Receb Beşe’nin zimmetini ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâdî ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: Şükrullah b. Mustafa, Abdi Çelebi b. Hüseyin, Gazanfer b. Tevekkül, Hızır b. Abdünnebi, Baba Rasûl b. Rıdvan.