İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 558 Hüküm no: 656 Orijinal metin no: [79b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saime bt. Ali’nin muhâlaa yoluyla kocası Ali b. Üveys’den boşandığı ve birbirlerinin zimmetlerini ibra ettikleri Sulh. Mahmiye-i İstanbul’da Balabanağa mahallesinde sâkine Saime bt. Ali nâm hatun meclis-i şer‘de işbu râfi‘u’l-kitâb zevci Ali b. Üveys nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Ali zimmetinde mütekarrir ve ma‘kūdün-aleyh olan altı yüz akçe mehr-i mü’eccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Ali ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika cemi de‘âvîden her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fî’l-yevmi’s-sâmin min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Mustafa b. Osman el-kayyum, Mustafa Çelebi b. Mehmed, Abdi b. Hüseyin, Baba Resûl b. Rıdvan, Mehmed b. Ramazan, Veli b. Mahmud, Mehmed b. Mustafa, Mustafa b. Mehmed.