İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 664 Hüküm no: 784 Orijinal metin no: [99b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Veli b. Oruc’un küçük oğlu ve kızına vasîlerinin talebi üzerine günlük dörder akçe nafaka takdir edildiği Nafaka. Mahmiye-i İstanbul’da Üsküblü mahallesinde sâkin iken bundan akdem fevt olan Veli b. Oruc nâm kimesnenin sulbî sagīr oğlu ve sulbiye sagīre kızı Âişe’nin kıbel-i şer‘den mansûb vasîleri olan Veli Beşe b. Mirza meclis-i şer‘de takrîr-i kelâm edip sagīrân-ı mezbûrânın babalarından müntakil olup yedimde olan mâllarından nafaka takdîr olunmak murâd ederim dedikde hâkim-i muvakkı‘-ı sadr-ı kitâb hazretleri işbu târih-i kitâb gününden sagīrân-ı mezbûrânın her birine külle yevm dörder akçe nafaka farz ve takdîr edip harc u sarfa vasîyy-i mezbûra izin verilip mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-işrîn min-Şevvali’l-mükerrem li-sene isneteyn ve seb‘în ve elf. Şuhûdü’l-hâl: Şükrullah b. Mustafa, Rasûl b. Rıdvan, Abdi b. Hüseyin, Mehmed b. Ramazan.