İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 667 Hüküm no: 788 Orijinal metin no: [99b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gülizar bt. Hüdayi’nin Ömer Ağa b. Ahmed Çavuş’a 150 riyali guruş borcu olduğunu ikrar ettiği İkrâr-ı deyn. Guruş: 150 aded. Mahmiye-i İstanbul’da Mustafa Paşa mahallesinde sâkin kıdvetü’l-emâsil ve’l-akrân Ömer Ağa b. Ahmed Çavuş mahfil-i kazâda Gülizar bt. Hüdâyî nâm Nasrâniye muvâcehesinde üzerine da‘vâ ve takrîr-i kelâm edip mezbûre Gülizar zimmetinde karz-ı şer‘îden yüz elli riyâlî guruş hakkım olup taleb eylediğimde vermede ta‘allül eder suâl olunup alıverilmesi matlûbumdur dedikde gıbbe’s-suâl mezbûre Gülizar cevâbında fi’l-vâki‘ müdde‘î-i mezbûr Ömer Ağa’ya cihet-i karz-ı şer‘îden zimmetimde edâsı lâzım yüz elli riyâlî guruş deynim vardır deyü bi-tav‘ihâ ikrâr ve i‘tirâf etmeğin ikrârı mûcebince meblağ-ı mezbûru müdde‘î-i merkūm Ömer Ağa’ya edâ ve teslîme mezbûre Gülizar’a tenbîh olunup mâ hüve’l-vâki‘ bi’t-taleb ketb olundu. Fi’l-yevmi’r-râbi‘ aşer min-Zilka‘deti’ş-şerîfe li-sene isneteyn ve seb‘în ve elf. Şuhûdü’l-hâl: Abdi Çelebi b. İsmail, Hasan Bey b. Ahmed, Mustafa Beşe b. İbrahim el-mübâşir, Ramazan Çelebi b. Murad Çelebi, Mehmed b. Ramazan el-muhzır.