İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 737 Hüküm no: 891 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Hasan’ın Mumcu Mehmed Beşe b. Mahmud’a olan borcunu eşya ile takas ederek ödediği Beş bin dört yüz akçe deyne takās-ı eşyâ. Mahmiye-i İstanbul’da Haraçcı Muhyiddin mahallesinde İsmail Efendi menzilinde sâkin Mehmed Beşe b. Hasan meclis-i şer‘de işbu râfi‘u’l-kitâb Mumcu Mehmed Beşe b. Mahmud mahzarında ikrâr ve takrîr-i kelâm edip mezbûr Mumcu Mehmed Beşe’ye karz-ı şer‘îden yirmi bin akçe deynim olup meblağ-ı mezbûrdan dört bin altı yüz akçesini verip zimmetimde bâkī kalan on beş bin dört yüz akçesi mukābelesinde silk-i mülkümde münselik olan bir sîm raht ve bir sîm gaddâre ve bir sîm buhûrdân ve bir sîm gülâbdân ve semmûr paça kürk bi-safkatin vâhidetin on beş bin dört yüz akçeye bâtten bey‘ ve teslîm edip semeni olan meblağ-ı mezbûru zimmetimde bâkī olan on beş bin dört yüz akçe deynime takās ol dahi mukāssa ve kabûl eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâdî ve’l-işrîn min-Zilka‘deti’ş-şerîfe li-sene 1072 Şuhûdü’l-hâl: es-Seyyid İbrahim Çavuş b. es-Seyyid Halil, Ahmed Efendi kâtib-i kassâm, Mehmed Efendi b. Mahmud süvâri?, Mehmed Efendi b. Ahmed, Abdi b. Hüseyin, Şükrullah b. Mustafa, Mehmed b. Ramazan.