İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 832 Hüküm no: 1017 Orijinal metin no: [141a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihrimah bt. Hasan’ın muhâlaa yoluyla kocası Mehmed Çavuş b. Mustafa Ağa’dan boşandığı Mahmiye-i İstanbul’da Debbağyunus mahallesinde sâkine Mihrimah bt. Hasan nâm hatun tarafından husûs-ı câ’îye vekîl olup zâtını ma‘rifet-i şer‘iye ile ârifân Müezzin İbrahim Halîfe b. Abdullah ve Mehmed b. Abdullah nâm kimesneler şehâdetleri ile vekâleti sâbite olan Hüseyin Bey b. Halil nâm kimesne meclis-i şer‘de elli dördüncü ağa bölüğü odasından Mehmed Çavuş b. Mustafa Ağa mahzarında bi’l-vekâle ikrâr ve takrîr-i kelâm edip mezbûr Mehmed Çavuş müvekkilem mezbûre Mihrmah Hatun’un zevci olup mezbûr ile zimmetinde mütekarrir ve ma‘kūdün-aleyh altı bin akçe mehr-i mü’ecceli ve nafaka-i iddet-i ma‘lûme ve me’ûnet-i süknâsı üzerlerine bi’l-vekâle muhâla‘a-i sahîha ile muhâla‘a eylediğimde ol dahi ber-minvâl-i muharrer hul‘-ı mezbûru kabûl edip zevciyete ve gayra müte‘allika cemî‘ de‘âvî ve mütâlebât ve eymân [ve] muhâsamâtdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-işrîn min-Zilhicceti’ş-şerîfe li-sene isneyn ve seb‘în ve elf. Şuhûdü’l-hâl: Mehmed Beşe b. Ahmed, Mehmed Ağa b. Abdullah, Abullah Efendi imâm, Solak Mehmed Çelebi, Hüseyin Efendi el-Burûsî, Ahmed Çelebi b. Mahmud kethudâ, Abdi Çelebi b. Hüseyin.