İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 881 Hüküm no: 1082 Orijinal metin no: [151a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühtedi Mehmed b. Abdullah’ın korkusundan Kostantin v. Koko’ya iftira ettiğini ikrar ettiği Mahmiye-i İstanbul’da Ali Paşa-yı Atîk mahallesinde sâkin Mehmed b. Abdullah nâm mühtedi meclis-i şer‘-i hatîrde işbu hâmilü’s-sifr mahmiye-i mezbûrede Unkapanı sûkunda kuyumcu tâifesinden Kostantin v. Koko nâm zimmî muvâcehesinde ikrâr ve takrîr-i kelâm edip hazır bi’l-meclis Gümüşarayıcı Hasan Ağa b. Abdullah işbu tırnak ta‘bîr olunur yüz dirhem mikdârı akçe kırkıyesini? benim koynumda bulup ahz edip suâl eyledikde ben dahi havfımdan ol kırkıyeyi? bana mezbûr Kostantin verdi deyü mezbûr Kostantin’e isnâd ve iftirâ eylemişdim mezbûr Kostantin’in husûs-ı mezbûrdan haber ve âgâhı yokdur dedikde mâ-vaka‘a bi’t-taleb ketb olundu. Fi’l-yevmi’r-râbi‘ min-Muharremi’l-harâm li-sene selâse ve seb‘în ve efl. Şuhûdü’l-hâl: el-Hâc Ömer b. el-Hâc Mehmed, el-Hâc Mustafa b. Hüseyin, Mustafa Çelebi b. Şaban, es-Seyyid Ali Çelebi b. es-Seyyid Abdülhâlik, es-Seyyid Mustafa b. es-Seyyid Cemaledddin, el-Hâc Zülfikar b. Abdullah, Abdurrahman Çelebi b. Ahmed, Ahmed Çelebi b. Mehmed Beşe, el-Hâc Enes b. el-Hâc Receb, el-Hâc Mehmed b. el-Hâc Receb, Salih Çelebi b. Mahmud.