İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 881 Hüküm no: 1083 Orijinal metin no: [151a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühtedi Mehmed b. Abdullah’ın korkusundan Komeni v. Yani’ye iftira ettiğini ikrar ettiği Mahmiye-i İstanbul’da Ali Paşa-yı Atîk mahallesinde sâkin Mehmed b. Abdullah nâm mühtedi meclis-i şer‘-i hatîrde işbu [bâ‘isü]’s-sifr Komeni v. Yani nâm zimmî muvâcehesinde takrîr-i kelâm edip hazır bi’l-meclis Arayıcı Hasan Ağa b. Abdullah işbu tırnak ta‘bîr olunur yüz dirhem mikdârı akçemiz kırkıyesini? karnımda bulup ahz edip suâl eyledikde ben dahi havfımdan ol kırkıyeyi? bana mezbûr Komeni verdi deyü mezbûr Komeni’ye isnâd ve iftirâ eylemişdim mezbûr Komeni’nin husûs-ı mezbûrdan haber ve âgâhı yokdur dedikde mâ-vaka‘a bi’t-taleb ketb olundu. Fi’l-yevmi’r-râbi‘ min-Muharremi’l-harâm li-sene selâse ve seb‘în ve elf. Şuhûdü’l-hâl: el-Hâc Ömer b. el-Hâc Mehmed, el-Hâc Mustafa b. Hüseyin, Mustafa b. Şaban, es-Seyyid Ali Çelebi b. es-Seyyid Abdülhâlik, es-Seyyid Mustafa b. es-Seyyid Cemaleddin, el-Hâc Zülfikar b. Abdünnebi, Abdurrahman Çelebi b. Ahmed, Ahmed Çelebi b. Mehmed Beşe, el-Hâc Enes b. el-Hâc Receb, el-Hâc Mehmed b. el-Hâc Receb, Salih b. Mahmud.