İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 112 Hüküm no: 20 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. el-Hâc Musa’nın miras davasından vasîsi Mustafa Çelebi b. Abdullah’taki alacaklarını tahsil ettiği Teslîmü’l-vasî mâle’s-sagīr Mahmiye-i İstanbul’da Kurşunlu Türbe kurbunda sâkin Mahmud b. el-Hâc Musa nâm kimesne meclis-i şer‘-i hatîr-i lâzımü’t-tevkīrde bâ‘isü’l-kitâb Mustafa Çelebi b. Abdullah mahzarında ikrâr ve i‘tirâf edip mezbûr Mustafa Çelebi sıgārım hâlinde vasîm olmağla babam müteveffâ-yı mezbûrdan bana müntakil yirmi dört bin akçemi kabz etmiş idi hâlâ vasiyy-i mezbûrun makbûzu olan yirmi dört bin akçe hakkımı vasiyy-i mezbûr Mustafa Çelebi yedinden bi’t-tamâm ahz u kabz eyledim min ba‘d vasiyy-i mezbûr Mustafa Çelebi yedinde bir akçe ve bir habbe hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ aşer min şehri Ramazâni’l-mübârek sene 1073. Şuhûdü’l-hâl: El-Hâc Ahmed b. Ali, İbrahim Çelebi b. Mehmed, Bekir Beşe b. Hüseyin, Mehmed Çelebi b. Halil, Hızır Beşe b. Ahmed, Mehmed Çelebi b. Hüseyin, Muslu Çelebi er-Râcil.