|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 124 Hüküm no: 38 Orijinal metin no: [4a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ayşe Hâtun bt. Hasan’ın mülk arsasını Mehmed Beşe b. Mustafa’ya sattığı
Mülknâme Mahmiye-i İstanbul’da Muhsine Hâtun mahallesinde sâkine Ayşe Hâtun bt. Hasan tarafından bey‘-i âti’l-beyânı ikrâra vekîl olup üstâd Ömer b. İbrahim ve el-Hâc Receb b. Mehmed şehâdetleriyle şer‘an vekâleti sâbite olan Mehmed Beşe b. Mustafa nâm kimesne meclis-i şer‘-i hatîr-i lâzımü’t-tevkīrde bakkal tâifesinden bâ‘isü hâze’l-kitâb Mehmed Beşe b. Mustafa mahzarında bi’l-vekâle ikrâr ve takrîr-i kelâm edip müvekkilem mezbûre Ayşe’nin mahalle-i mezbûrede vâki‘ bir tarafı yine bâyi‘a-yı mezbûre Ayşe mülkü ve bir tarafı Berber Mehmed Beşe mülkü ve bir tarafı Yorgancı ( ) mülkü ve bir tarafı tarîk-i hâs ile mahdûd tûlen yirmi buçuk ve arzen yedi zirâ‘ mülk arsasını mezbûr Mehmed Beşe’ye yedi bin nakd-i râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edip ol dahi vech-i muharrer üzre iştirâ ve tesellüm ve kabûl eyledikden sonra, semeni olan meblağ-ı mezbûr yedi bin akçeyi mezbûr Mehmed Beşe’nin yedinden bi’t-tamâm alıp kabz eyledim ba‘de’l-yevm zikr olunan arsa-yı mezbûre Mehmed Beşe’nin mülk-i müşterâsıdır, keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min şehri Ramazâni’l-mübârek li sene selâse ve seb‘în ve elf.
Şuhûdü’l-hâl: Mehmed Efendi b. Sefer el-İmâm, Mehmed Beşe b. İsâ, Mehmed Beşe b. Ahmed, Abdi Çelebi b. Hüseyin.
|