.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 145
Hüküm no: 75
Orijinal metin no: [6b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Agik v. Melkon ve Melkon v. Agop’un bahçelerini Gülser v. Agik’e sattıkları

Mülknâme-i bahçe Mahmiye-i İstanbul’da Koska Fırını kurbunda sâkin Agik v. Melkon nâm Ermeni [ve] Mercan sûkunda sâkin Melkon v. Agop nâm Ermeni meclis-i şer‘-i hatîr-i lâzımü’t-tevkīrde hâmilü’l-kitâb Gülser v. Agik nâm Ermeni muvâcehesinde herbiri ikrâr edip vilâyet-i Anadolu’da Divriği kazâsı kurâsından Kesme nâm karye toprağından vâki‘ bir tarafı Azadoğlu Bağı ve bir tarafı Arslanoğlu Bahçesi ve bir tarafı cârî dere [ve] bir tarafı tarîk-i âm ile mahdûd olup ber vech-i iştirâk-i seviy mülkiyyet üzre mutasarrıf olduğumuz bahçeyi on riyâlî guruşa mezbûr Gülser Ermeni’ye bey‘-i kat‘î ile bey‘ ol dahi ber minvâl-i muharrer iştirâ ve semeni olan on riyâlî guruşu yedinden alıp kabz edip ol bahçeyi mahallinde zabta mezbûru taslît eyledim dedikde mâ vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min şehri Ramazâni’l-mübârek li sene selâse ve seb‘în ve elf.


Şuhûdü’l-hâl: Hüseyin Efendi el-Brusî, Abdülkādir Efendi el-Kâtib, Mehmed Çelebi b. Abdullah, Ali Beşe b. İbrahim Beşe, Rıdvan Bey b. Ali, Koğas v. Arkives?, Ovanes v. Şehsuvar, Toros v. Donik, Bağdam v. ( ), Serkis v. Bogos, Bartev v. Murad.