.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 159
Hüküm no: 97
Orijinal metin no: [8b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Çelebi b. Osman’ın zevcesi Zülfiye Hâtun bt. Abdullah’a borçlu olduğu

İkrâr-ı deyn Mahmiye-i İstanbul’da Kırkçeşme kurbunda Molla Hüsrev mahallesinde sâkine Zülfiye Hâtun bt. Abdullah tarafından husûs-ı âti’l-beyâna sâbitü’l-vekâle vekîl olan işbu bâ‘isü’l-kitâb zevci Mehmed Çelebi b. Osman mahfil-i kazâda, diğer Mehmed Çelebi b. Ahmed Ağa mahzarında üzerine bi’l-vekâle da‘vâ ve takrîr-i kelâm edip müvekkilem mezbûrenin merkūm diğer Mehmed Çelebi zimmetinde cihet-i deyn-i şer‘îden altı bin akçe hakkı vardır hâlâ vekâletim hasebiyle meblağ-ı mezbûru merkūmdan taleb ederim suâl olunsun dedikde gıbbe’s-suâl merkūm diğer Mehmed Çelebi cevâbında fi’l-hakīka müvekkile-i mezbûreye cihet-i mezbûreden altı bin akçe zimmetimde vâcibü’l-edâ ve lâzımü’l-kazâ deynim vardır deyû bi tav‘ihî ikrâr ve i‘tirâf etmeğin ikrârı mûcebince meblağ-ı mezbûr altı bin akçeyi vekîl-i mezbûr Mehmed Çelebi’ye edâ ve teslîme merkūm diğer Mehmed Çelebi’ye tenbîh birle mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min [şehri] Şevvâli’l-mükerrem li sene selâse ve seb‘în ve elf.


Şuhûdü’l-hâl: Ali Beşe b. Osman Çukadar, Muharrem Çelebi, Şükrullah b. Mustafa, Abdi Çelebi b. Hüseyin, Baba Resûl b. Rıdvan.