.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 159
Hüküm no: 96
Orijinal metin no: [8b-2, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Velisi olmayan ve nafakasının kimin üzerine terettüp ettiği bilinmeyen Sâliha adlı küçüğün Emine bt. Şükrullah tarafından evlat edinilmesi (Tebennî kaydı)

Tebennî İşbu hüccet-i şer‘iyyenin üzerinde imzâsı bulunan hâkim velîsi olmayan ve nafakasının kimin üzerine îcâb ettiği nâ-ma‘lûm Sâliha nâm sagīreyi hâfızatü hâze’l-kitâb Emine bt. Şükrullah nâm hâtuna teslim etti. Mezbûre Emine de tebennî ve terbiye maksadıyla sagīre-i mezbûreyi tesellüm etti. Hâkim-i müşârün-ileyh sonra sagīre-i mezbûrenin nafakası, kisvesi ve sâir havâic-i zarûriyyesi için, tebennîde bulunan hanımın talebiyle mezbûreyi geri alma hakkı kime âidse o kimse üzerine olmak üzre zeyilde mezkûr târihden i‘tibâren râyicü’l-vakt yevmî dört akçe farz ve takdîr etti ve meblağ-ı mefrûzu sagīre-i mezbûrenin havâic-i lâzımesine sarf etmesine ve vakt-i hâcette istidâne edip ınde’z-zuhûr rücû‘ etmesine mütebenniye-i mezbûreye izin verdi. Cerâ zâlike ve hurrire fi’l-yevmi’s-sâdis min Şevvâli’l-mükerrem sene 1073.


Şuhûdü’l-hâl: Mehmed Çelebi b. Kasım, Mehmed b. Hasan, Mehmed Çelebi b. Abdullah, İsmail Çelebi b. Mehmed, Mustafa b. İsâ