|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 160 Hüküm no: 99 Orijinal metin no: [8b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Marino bt. Yani’nin Nikola v. Yani zimmetindeki alacağını tahsil ettiği
Sulh ve ibrâ Havâss-ı Aliyye nevâhîsinden Büyükçekmece’de sâkine Marino bt. Yani nâm nasrâniyye meclis-i şer‘-i hatîrde Bigados nâm karyeden râfi‘ü’l-kitâb Nikola v. Yani muvâcehesinde bi tav‘ihâ ikrâr edip mezbûr Nikola zimmetinde kırk sekiz bin akçe hakkım olup meblağ-ı mezbûrun mukaddemâ on altı bin akçesini ahz edip bâkī otuz iki bin akçe hakkım kalmış idi hâlâ meblağ-ı bâkī-i mezbûru da‘vâ ettiğimde muslihûn tavassut edip merkūm Nikola beni mezbûr otuz iki bin akçe da‘vâsından sekiz bin akçe üzerine sulh ettikde, ben dahi sulh-ı mezbûru kabûl ve bedel-i sulh olan meblağ-ı mezbûr sekiz bin akçeyi mezbûr Nikola yedinden tamâmen alıp kabz edip meblağ-ı bâkī otuz iki bin akçeye müte‘allik cemî‘ de‘âvîden mezbûr Nikola’nın zimmetine ibrâ-i âm-ı kātı‘ü’n-nizâ‘ ile ibrâ ve iskāt eyledim ba‘de’l-yevm vechen mine’l-vücûh husûs-ı mezbûra müte‘allika mezbûr Nikola üzerine da‘vâ ve nizâ‘ ve husûmetim yoktur dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Fi’l-yevmi’l-ışrîn min şehri Ramazâni’l-mübârek li sene selâse ve seb‘în ve elf.
Şuhûdü’l-hâl: Şaban Çavuş el-Mübâşir, Oruc Çavuş b. Abdullah, Ahmed Çelebi ed-Dâ‘î, el-Hâc Mehmed b. Mahmud, Abdi b. Hüseyin, Duber? v. ( ), Kiryazi v. Manol, Dimitri v. Kostantin, Hırsaki v. Yorgi, Apostol v. Mihal.
|