.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 161
Hüküm no: 100
Orijinal metin no: [8b-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Râbia bt. Abdülbâki ile Derviş Beşe b. Abdullah’ın muhâlaa yoluyla boşandıkları

Hul‘ Mahmiye-i İstanbul’da Debbâğ Yunus mahallesinde sâkine Râbia bt. Abdülbâkī nâm hâtun meclis-i şer‘-i hatîr-i lâzımü’t-tevkīrde zevci Derviş Beşe b. Abdullah nâm kimesne mahzarında ikrâr ve takrîr-i kelâm edip zevcim mezbûr Derviş Beşe zimmetinde mütekarrir ve ma‘kūdun-aleyh olan üç yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre, zevcim mezbûr ile muhâla‘a-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika âmme-i da‘âvâdan her biri âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ min [şehri] Şevvâli’l-mükerrem li sene selâse ve seb‘în ve elf.


Şuhûdü’l-hâl: Veli Beşe b. Mustafa, Davud Beşe b. Osman, Ali b. Osman Çukadar, Abdi Çelebi b. Hüseyin, Şükrullah Çelebi b. Mustafa, Mehmed b. Ramazan, Muharrem Çelebi b. ( ).