|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 164 Hüküm no: 106 Orijinal metin no: [9a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Arslan Beşe b. Mustafa’nın el-Hâc Ali b. Hasan’a borcunu ödemesi tenbih olunduğu
İkrâr-ı deyn Mahmiye-i İstanbul’da Kâtib Kasım mahallesinde sâkin el-Hâc Ali b. Hasan meclis-i şer‘-i enverde Arslan Beşe b. Mustafa mahzarında üzerine da‘vâ edip mezbûr Arslan Beşe zimmetinde iki bin yüz yetmiş akçe hakkım olup yedi yüz akçesini mukaddemâ ahz ve istîfâ edip bâkī bin dört yüz yetmiş akçe kalmış idi hâlâ taleb ederim suâl olunsun dedikde gıbbe’s-suâl mezbûr Arslan Beşe cevâbında fi’l-vâki‘ müdde‘î-i mezbûr el-Hâc Ali’ye zimmetimde bâkī bin dört yüz yetmiş akçe deynim vardır deyû ikrâr etmeğin mûcebince meblağ-ı mezbûru edâya mezbûr Arslan Beşe’ye tenbîh birle mâ vaka‘a bi’t-taleb [ketb] olundu. Fi’l-yevmi’l-âşir min şehri Ramazâni’l-mübârek li sene selâse ve seb‘în ve elf.
Şuhûdü’l-hâl: Mehmed b. Ramazan, Hüseyin b. Ebûbekir, Şükrullah b. Mustafa, Abdi Çelebi b. Hüseyin, Resûl b. Rıdvan.
|