|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 195 Hüküm no: 156 Orijinal metin no: [13b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mustafa Çelebi b. İsmail’in Rus asıllı cariyesi Mehcibin bt. Abdullah’ı azat ettiği
Itâknâme Hazret-i Ebâ Eyyûb Ensârî -radiye anhü’l-Bârî- mahallâtından Câmi‘-i Kebîr mahallesi sâkinlerinden Mustafa Çelebi b. İsmail meclis-i şer‘-i hatîrde ikrâr ve i‘tirâf edip işbu uzun boylu, elâ gözlü, açık kaşlı Rusiyyetü’l-asl râfi‘atü’l-kitâb Mehcibin bt. Abdullah nâm câriye-i memlûkemi hasbeten lillâhi te‘âlâ malımdan tahrîr ve i‘tâk ve sâir harâir-i asliyyâta idrâc ve ilhâk eyledim ba‘de’l-yevm mezbûre Mehcibin sâir harâir-i asliyyât gibi hürredir, üzerinde mevâlî için sâbit hakk-ı velâdan gayrı hak ve alâkam kalmadı dedikde mâ hüve’l-vâki‘ mezbûre talebiyle ketb olunup yedine def‘ olundu. Fi’l-yevmi’s-sâmin aşer min Şevvâli’l-mükerrem li sene selâse ve seb‘în ve elf.
Şuhûdü’l-hâl: Zahrü’l-a‘yân Hüseyin Ağa b. Ahmed, İbrahim b. Musa, İbrahim b. Mustafa, Mustafa b. Hüseyin, Ali Beşe Çukadar, Mehmed b. Mustafa, Mehmed Ağa sermuhzırân, İslâm b. Mustafa.
|