.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 195
Hüküm no: 157
Orijinal metin no: [13b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed b. Abdullah’ın karısı Timurhan bt. Abdullah ve iki çocuğu için nafaka ödemesi gerektiği

Nafaka Mahmiye-i İstanbul’da Kovacıdede mahallesinde sâkine hâfızatü’l-kitâb Timurhan bt. Abdullah nâm hâtun meclis-i şer‘de takrîr-i kelâm edip zevcim Mehmed b. Abdullah nâm kimesne âhar diyâra gitdikde, bana ve veledleri Mahmud ve Emine nâm sagīrlere nafaka makūlesi bir şey komayıp nafakaya ihtiyâcımız olmağla üçümüze kadr-i ma‘rûf nafaka takdîr olunmak matlûbumdur dedikde mezbûre Timurhan mezbûr Mehmed’in zevcesi ve menkûhası olduğunu sikāt-ı müslimîn haber verdiklerinden sonra merkūm mezbûre Timurhan’a nafaka makūlesinden bir şey komadığına ba‘de’t-tahlîfi’ş-şer‘î üçü için savb-ı şer‘den yevmî sekiz akçe nafaka takdîr olunup vakt-i zarûretde istidâne ve sarfa ve lede’z-zafer gāib-i mezbûr Mehmed’e rücû‘a izin verilip mâ vaka‘a bi’t-taleb ketb olundu. Fi’l-yevmi’s-sâbi‘ aşer min Şevvâli’l-mükerrem li sene selâse ve seb‘în ve elf.


Şuhûdü’l-hâl: Mehmed Beşe b. Mustafa, Veli b. Muslu, Ebûbekir b. Hasan, Abdülfettah b. Nasrullah, Mustafa Beşe er-Râcil, Emrullah b. Mustafa, Abdi Çelebi el-Muhzır, Şükrullah Bey el-Muhzır.