|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 219 Hüküm no: 195 Orijinal metin no: [16b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Emine bt. Receb’in boşandığı kocası Kasap Mustafa b. Mehmed’le birbirinin zimmetini ibrâ ettikleri
İbrâ Mahmiye-i İstanbul’da Sultan Selim kurbunda Kovacı Dede mahallesinde sâkine Emine bt. Receb nâm hâtun meclis-i şer‘de zevc-i mutallıkı kasap Mustafa b. Mehmed mahzarında ikrâr ve takrîr-i kelâm edip mukaddemâ mezbûr Mustafa zevcim olup talâk-ı selâse ile beni tatlîk etmekle zimmetinde mütekarrir olan üç yüz akçe mehr-i müeccelim ile altı buçuk miskāl bir altın bileziğim yedinde kalmış idi deyû mezbûrdan da‘vâ ve taleb eylediğimde ol dahi ber minvâl-i muharrer talâk-ı mezbûr ile mehr-i müeccel-i merkūmu ikrâr edip lâkin zikr olunan bileziği inkâr etmeğin hâlâ mehr-i müeccelim ile bilezik da‘vâsından ve zevciyyete müte‘allika de‘âvî ve mütâlebâtdan her birimizin zimmetini ibrâ-i âm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sâlis ve’l-ışrîn min Şevvâli’l-mükerrem sene 1073.
Şuhûdü’l-hâl: Osman Beşe b. Hüseyin, Mehmed b. Ali, Şükrullah b. Mustafa, Hüseyin b. Ebûbekir, Ahmed b. Abdülmennân, Mustafa b. Halil ve gayruhüm.
|