|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 238 Hüküm no: 222 Orijinal metin no: [19b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Abdurrahman Beşe b. Abdurrahim’in borcuna Osman Beşe b. Mahmud’un kefil olduğu
İkrâr-ı deyn ve kefâlet Dergâh-ı âlî yeniçerilerinin altmışıncı ağa bölüğü odası ahâlîsinden Abdurrahman Beşe b. Abdurrahim nâm râcil meclis-i şer‘-i hatîr-i lâzımü’t-tevkīrde zikr olunan oda[ya] vakf olan akçenin bi’l-fi‘l mütevellîsi olan Ahmed Beşe b. Bâli mahzarında tav‘an ikrâr ve takrîr-i kelâm edip vakf-ı mezbûr malından zimmetimde beş yüz dokuz dirhem riyâlî guruş asl-ı mâl ile yetmiş beş riyâlî guruş ribh-i şer‘î ki vakf-ı mezbûra cem‘an beş yüz yetmiş beş riyâlî guruş deynim olup meblağ-ı mezbûru târih-i kitâb şehri gurresinden bir sene tamâmına değin edâya ta‘ahhüd eyledim dedikde gıbbe’t-tasdîki’l-mu‘teber meblağ-ı mezbûra oda-i merkūme odabaşısı işbu hâzır bi’l-meclis Osman Beşe b. Mahmud mezbûr Abdurrahman Beşe Efendi ile kefîl olmağın mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min Şevvâli’l-mükerrem li sene selâse ve seb‘în ve elf. [20a]
Şuhûdü’l-hâl: El-Hâc Mehmed Beşe b. Abdülgani, Ali Beşe b. Mehmed, Mehmed Beşe b. Muharrem, Ali Beşe b. Derviş Dede, Mehmed Beşe b. Ahmed, İbrahim Beşe b. Uzun İshak Beşe, çukadar Ali Beşe, Türbedâr Ahmed Hoca.
|