.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 246
Hüküm no: 235
Orijinal metin no: [21a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sakız’da Metrepolit olan Yuvan v. Fransisko’nun Haseki Mehmed Ağa’ya olan borcu için kefiller bulduğu

İkrâr-ı deyn ve kefâlet Tâife-i zimmîyândan olup medîne-i Sakız’da metrepolid olan Yuvan v. Fransisko nâm zimmî meclis-i şer‘-i hatîr-i lâzımü’t-tevkīrde kırk dokuz hasekiler odası çorbacısı olup yeniçeri ağası kāimmakāmı olan fahrü’l-emâcid ve’l-ekârim Haseki Mehmed Ağa tarafından ikrâr-ı âti’z-zikri tasdîke vekîl olan oda-i mezbûre odabaşısı Ali Beşe b. ( ) mahzarında tâyi‘an ikrâr ve takrîr-i kelâm edip müşârün-ileyh Mehmed Ağa yedinden iktirâz ve kabz edip zimmetimde kazâsı vâcib olan sekiz yüz otuz dört esedî guruşu târih-i kitâb şehri gurresinden yüz seksen gün tamâmına değin edâya ta‘ahhüd eyledim dedikde gıbbe’t-tasdîki’l-mu‘teber Yanaki v. Mihal ve Mihail v. Fatakazarno ve Papa Makaryo v. Yorgi ve Yanaki v. Mihal nâm zimmîler mezbûr Yuvan zimmî emriyle kefîl olmağın mâ vaka‘a bi’t-taleb ketb olundu. Fî gurreti [min şehri] Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: Osman Beşe b. İsmail, Mehmed Beşe b. Mustafa, Abdülbâkī Yazıcı, Ali Beşe b. Abdullah, Mustafa Beşe b. Abdullah, Abdi Çelebi el-Muhzır, Şükrullah Beşe el-Muhzır.