.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 248
Hüküm no: 238
Orijinal metin no: [21a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Belkıs Hâtun bt. Abdullah’ın Ayşe Kadın bt. Sefer’e kalan borcunu ödemesi

Havâle Bâ‘isü’l-kitâb Ayşe Kadın bt. Sefer meclis-i şer‘-i hatîrde Belkıs Hâtun bt. Abdullah muvâcehesinde da‘vâ edip mezbûra Belkıs zimmetinde bin riyâlî guruş hakkım olup dört yüz elli esedî guruşu işbu zahrü’l-müderrisîni’l-fihâm Abdülcelil Efendi’ye bey‘ ettiği arsa semeninden dört yüz elli esedî guruş hakkı olmağla beni havâle edip ben dahi kabûl ettikden sonra bâkī kalan beş yüz elli guruşun elli guruşundan mezbûre Belkıs’ın zimmetini ibrâ ve iskāt eyledim, bâkī beş yüz guruş hakkım kalmışdır taleb ederim suâl olunsun dedikde gıbbe’s-suâl mezbûre Belkıs cevâbında fi’l-vâki‘ kaziyye bâlâda tafsîl olunan vech üzre olmuşdur deyû havâle-i mezbûreyi [ve] bâkī zimmetinde mezbûre Ayşe’ye beş yüz guruş deyni olduğunu ikrâr ve i‘tirâf etmeğin ikrârı mûcebince meblağ-ı bâkī beş yüz guruşu müdde‘iyye-i mezbûre[ye] edâya mezbûre Belkıs’a tenbîh birle mâ vaka‘a bi’t-taleb [ketb] olundu. Fi’l-yevmi’s-sânî min Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: Hüseyin Efendi el-kadı, Ali Çelebi b. ( ), el-Hâc Ahmed b. Mahmud, Abdi Çelebi b. Hüseyin, Abdullah Çelebi b. Mustafa, Muharrem b. Sefer, Mustafa b. Mehmed, Ali b. Yusuf, Yusuf Efendi b. Yakub, İsmail b. Mehmed, Hasan Ağa b. el-Müderris.