.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 249
Hüküm no: 239
Orijinal metin no: [21a-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sultana bt. Abdünnebi’nin el-Hâc Mustafa Çelebi b. Ahmed’i vekil tayin ettiği

Vekâlet Vilâyet-i Rumeli’nde Rodoscuk sâkinelerinden olup hâlâ mahmiye-i İstanbul’da İsakapısı kurbunda sâkine Sultana bt. Abdünnebî nâm hâtun mahfil-i kazâda işbu bâ‘isü’l-kitâb el-Hâc Mustafa Çelebi b. Ahmed mahzarında ikrâr ve takrîr-i kelâm edip zikr olunan Rodoscuk sâkinlerinden Mustafa Beşe nâm râcil ve Râbia bt. Veli nâm hâtun ile beynimizde ma‘lûm menzil semenine ve menzil ücretine ve dört yük akçeye müte‘allika da‘vâm olmağın mezbûrânı zikr olunan Rodoscuk’dan İstanbul’a ihzâr ve Dîvân-ı âlî’de mezbûrân ile mürâfa‘a-i şer‘-i şerîf olmak için ancak tarafımdan mezbûr Hacı Mustafa’yı vekîl nasb ve ta‘yîn eyledim dedikde ol dahi kabûl ve vech-i muharrer üzre hıdemâtını edâya ta‘ahhüd eyledi dedikde vâki‘ü’l-hâl bi’t-taleb ketb olundu. Fi’l-yevmi’s-sâmin ve’l-ışrîn min Şevvâli’l-mükerrem li sene selâse ve seb‘în ve elf.


Şuhûdü’l-hâl: Mehmed Beşe b. Hasan, Hacı Ahmed b. Mahmud, Veli b. Mahmud, Mehmed b. Ramazan, Hasan Bey b. Süleyman.