|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 267 Hüküm no: 269 Orijinal metin no: [23b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yorgi v. Harito’nun Hacı Mehmed’de un bedelinden alacağı olduğu
İkrâr-ı deyn Mahmiye-i İstanbul’da vâki‘ uncu tâifesinden bâ‘isü’s-sifr Yorgi v. Harito nâm zimmî meclis-i şer‘-i hatîrde Çörekçi tâifesinden el-Hâc Mehmed b. Mehmed mahzarında üzerine da‘vâ ve takrîr-i kelâm edip mezbûr el-Hâc Mehmed’in yedimden iştirâ ve kabz eylediği beher keyl doksanar akçe kıymetli on beş buçuk keyl dakīk semeninden zimmetinde müctemi‘ olan bin üç yüz [24a] doksan beş akçe hakkımı mezbûrdan taleb ederim, suâl olunsun dedikde gıbbe’s-suâl mezbûr el-Hâc Mehmed cevâbında fi’l-vâki‘ mezbûr Yorgi’nin on beş buçuk keyl dakīk semeninden zimmetimde bin üç yüz doksan akçe hakkı vardır deyû bi tav‘ihî ikrâr etmeğin alâ mûceb-i ikrârihî meblağ-ı mezbûr bin üç yüz doksan beş akçeyi mesfûr Yorgi’ye edâ ve teslîme mezbûr el-Hâc Mehmed’e ba‘de’t-tenbîh, mâ vaka‘a bi’t-taleb ketb olundu. Fi’l-yevmi’s-sânî min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: El-Hâc Ahmed b. Mahmud, Abdi Çelebi b. Hüseyin, Şükrullah Çelebi b. Mustafa, Baba Resûl b. Rıdvan, Baba Ahmed b. Abdülcebbar.
|