.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 268
Hüküm no: 271
Orijinal metin no: [24a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sâliha bt. Abdullah’ın Siyami b. Satı’dan boşandığı

Hul‘ Mahmiye-i İstanbul’da Çukur mahallesinde sâkine Sâliha bt. Abdullah nâm hâtun meclis-i şer‘de zevc-i muhâlı‘ı işbu râfi‘ü’l-kitâb Siyami b. Satı‘ mahzarında takrîr-i kelâm edip zevcim mezbûr Siyami zimmetinde mütekarrir ve ma‘kūdun-aleyh olan üç bin akçe mehr-i müeccelim ve nafaka-i iddet-i ma‘lûmem ve me’ûnet-i süknâm üzerine muhâla‘a-i sahîha-i şer‘iyye ile muhâla‘a edip her birimiz âharın zimmetini hukūk-ı zevciyyete müte‘allika da‘vâdan ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min Zilka‘deti’ş-şerîfe li sene 1073.


Şuhûdü’l-hâl: Mehmed Efendi b. Hüseyin el-İmâm, Abdurrahman b. Siyami, Mustafa Çelebi b. Ali, Hüseyin b. Hasan.