|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 269 Hüküm no: 272 Orijinal metin no: [24a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Süleyman b. el-Hâc Ahmed’in el-Hâc Ahmed b. Süleyman aleyhindeki alacak iddiasında haksız olduğu
Yemîn Mahmiye-i İstanbul’da Seferikoz mahallesi sâkinlerinden Süleyman b. el-Hâc Ahmed meclis-i şer‘-i hatîrde kayın atası râfi‘ü’l-kitâb el-Hâc Ahmed b. Süleyman muvâcehesinde da‘vâ edip mezbûr el-Hâc Ahmed zimmetinde karzdan seksen beş riyâlî guruş hakkım vardır, taleb ederim, suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin mezbûr el-Hâc Ahmed’e müdde‘î-i mezbûr Süleyman için vech-i muharrer üzre zimmetinde karzdan seksen beş guruş elân üzerine edâsı lâzım deyni olmadığına yemîn teklîf olundukda ol dahi hasbe’l-mes’ûl half billâhi te‘âlâ etmeğin mûcebince bilâ-beyyine müdde‘î-i mezbûr da‘vâdan men‘ olunup mâ hüve’l-vâki‘ gıbbe’t-taleb ketb olundu. Fi’l-yevmi’s-sâbi‘ min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: El-Hâc Ahmed b. Mahmud, Ahmed Çelebi b. Ali ed-Dâ‘î, Abdi Çelebi b. Hüseyin, Şükrullah Bey b. Mustafa.
|