.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 289
Hüküm no: 305
Orijinal metin no: [26(2)a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Abdüllatif Çelebi b. Sinan’ın Semenzar Hâtun bt. Abdullah’da alacağı olduğu

İkrâr-ı deyn Mahmiye-i İstanbul’da Merhûme Fâtıma Hâtun vakfına mütevellî olan işbu bâ‘isü’l-kitâb Abdüllatif Çelebi b. Sinan meclis-i şer‘de Semenzâr Hâtun bt. Abdullah mahzarında üzerine da‘vâ ve takrîr-i kelâm edip mezbûre Semenzâr Hâtun’un vakf-ı mezbûre altı yüz altmış riyâlî guruş deyni olup meblağ-ı mezbûrdan dört yüz on bir guruşunu tevliyyetim hasebiyle mezbûre Semenzâr Hâtun yedinden ahz u kabz edip iki yüz kırk dokuz riyâlî guruş bâkī kalmışdır. Tevliyetim hasebiyle mezbûre Semenzâr Hâtun’dan taleb ederim suâl olunsun alıverilmesi matlûbumdur dedikde gıbbe’s-suâl mezbûre Semenzâr Hâtun cevâbında fi’l-vâki‘ vech-i muharrer üzre vakf-ı mezbûra zimmetimde iki yüz kırk dokuz riyâlî guruş deynim vardır deyû bi tav‘ihâ ikrâr ve i‘tirâf etmeğin ikrâr-ı mûcebince bâkī kalan meblağ-ı mezbûr iki yüz kırk dokuz kıt‘a riyâlî guruşu mütevellî-i mezbûr Abdüllatif Çelebi’ye edâ ve teslîme mezbûre Semenzâr Hâtun’a tenbîh birle mâ vaka‘a bi’t-taleb ketb olundu. Fi’l-yevmi’s-sâdis aşer min Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: Abdi Çelebi b. Hüseyin, Şükrullah Bey b. Mustafa, Baba Resûl b. Rıdvan.