|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 289 Hüküm no: 304 Orijinal metin no: [26(2)a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mustafa b. Ahmed’in boşandığı eşi Hoşelhan bt. Abdullah’da cariyesi kaldığına dair iddiasını ispat edemediği
Yemîn Mahmiye-i İstanbul’da Mi‘mâr Ayas mahallesinde sâkin Mustafa b. Ahmed nâm kimesne meclis-i şer‘-i hatîrde bâ‘isetü’l-vesîka Hoşelhân bt. Abdullah nâm hâtun mahzarında üzerine da‘vâ ve takrîr-i kelâm edip mukaddemâ mezbûr Hoşelhân zevcem olup mezbûreyi tatlîk eylediğimde ba‘de’t-tefrîk yüz riyâlî guruş kıymetli Gürciyyetü’l-asl Nâzenin nâm bir câriyem yedinde kalmış idi hâlâ mezbûre Hoşelhân’dan taleb ederim, suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin mezbûre Hoşelhân’a müdde‘î-i mezbûrun yüz riyâlî guruş kıymetli Gürciyyetü’l-asl Nâzenin nâm câriyesi ba‘de’t-tefrîk ahz u kabz etmediğine yemîn teklîf olundukda ol dahi alâ vefki’l-mes’ûl yemîn billâhi te‘âlâ etmeğin müdde‘î-i mezbûr Mustafa bî-vech ta‘arruzdan men‘ birle mâ vaka‘a bi’t-taleb ketb olundu. Fi’l-yevmi’l-âşir min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: El-Hâc Ahmed b. Mahmud, Ahmed Çelebi, Şükrullah Çelebi b. Mustafa, Ahmed Çelebi b. Mahmud, Baba Resûl b. Rıdvan.
|