İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 517 Hüküm no: 654 Orijinal metin no: [58b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. Ali’nin ölen kardeşi İbrahim’in terekesindeki hissesini almak üzre kocası Mehmed Çelebi b. Yusuf’u vekil tayin ettiği Vekâlet Mahmiye-i İstanbul’da Fenayî Dede mahallesi sâkinelerinden Meryem bt. Ali nâm hâtun meclis-i şer‘-i şerîfde işbu bâ‘isü’l-kitâb zevci Mehmed Çelebi b. Yusuf mahzarında ikrâr ve takrîr-i kelâm edip bundan akdem fevt olan li ebeveyn karındaşım İbrahim’in terekesine vâzı‘u’l-yed olan karındaşlarım Mustafa ve Mehmed yedlerinde olan terekesinden bana isâbet eden hisse-i şer‘iyyemi merkūmândan da‘vâ ve talebe ve ahz u kabza ve bana îsâle ve kabz ve îsâl mütevakkıf olduğu umûrun cümlesine mezbûr Mehmed Çelebi’yi tarafımdan [vekîl] nasb ve ta‘yîn eyledim dedikde ol dahi vekâlet-i mezbûreyi kabûl ve hizmet-i lâzımesini edâya ta‘ahhüd etmeğin mâ vaka‘a bi’t-taleb ketb olundu. Fî selhi Muharremi’l-harâm li sene 1074. Şuhûdü’l-hâl: Mustafa Çelebi b. İsâ, Hasan Çelebi b. Ahmed, Hüseyin Çelebi b. Bayram, Resûl b. Rıdvan, Hüseyin b. Ebûbekir, Mehmed b. Mustafa, Ahmed b. Abdülcebbar.