İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 535 Hüküm no: 686 Orijinal metin no: [61a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâime bt. Veli’nin hayatta iken Rus cariyesi Şahbaz’ı azat ettiği Tedbîr Mahmiye-i İstanbul’da Kemal Paşa Türbesi mahallesinde sâkine iken vefât eden Sâime bt. Veli nâm hâtunun verâseti, zevc-i metrûkü Halil Beşe ( ) nâm kimesne ile li ebeveyn karındaşı el-Hâc Hüseyin nâm kimesneye münhasıra oldukdan sonra kendi tarafından asâleten ve zevci mezbûr tarafından husûs-ı âti’z-zikre vekîl olup İmâm Mustafa Efendi ve Yusuf Çelebi b. Hüseyin Çelebi şehâdetleri ile vekâlet sâbite olan mezbûr el-Hâc Hüseyin vekâleten meclis-i şer‘-i hatîr-i lâzımü’t-tevkīrde işbu orta boylu çatık kaşlı sarışın gök elâ gözlü burnunun sol cânibinde beni olan Rusiyyetü’l-asl Şahba[z] bt. Abdullah nâm câriye mahzarında ikrâr-ı tâm edip mezbûre Şahbaz mûrisem mezbûre Sâime Hâtun’un memlûke câriyesi olup mezbûre hâl-i sıhhatinde merkūme Şahbaz’ı tedbîr-i mutlak ile müdebbere eyledikden sonra fevt olup malının sülüsü kıymetine müsâ‘id olmağla mezbûre Şahbaz âzâd olup sâir harâir-i asliyyât gibi hürre olsun dedikde mâ vaka‘a bi’t-taleb ketb olundu. Fi’l-yevmi’s-sâbi‘ min Saferi’l-hayr li sene 1074. Şuhûdü’l-hâl: Hüseyin Efendi el-Brusî, Keşfî Mustafa Efendi, Ahmed Çelebi b. Mahmud kethüdâ-yı muhzırân, Şükür Bey, Abdi Çelebi, Resûl b. Rıdvan, Mehmed b. Ramazan.