İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 543 Hüküm no: 699 Orijinal metin no: [62a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kostantin v. Manol’ün evini borcuna karşılık Dimitri v. Nikola’ya rehin olarak verdiği İstiğlâl Mahmiye-i İstanbul’da Ayakapısı hâricinde sâkin Kostantin v. Manol nâm zimmî, meclis-i şer‘-i hatîrde hâmilü’l-kitâb Dimitri v. Nikola nâm zimmî mahzarında tav‘an ikrâr ve takrîr-i kelâm edip mezkûr Dimitri zimmîden iktirâz ve kabz edip târih-i kitâbdan üç yüz altmış gün tamâmına değin edâya ta‘ahhüd eylediğim iki yüz kırk kıt‘a esedî guruş mukābelesinde, Abdi Subaşı mahallesinde vâki‘ bir cânibi Aleksi zimmî mülküne ve bir cânibi sâhil-i bahre ve bir cânibi sandıkçı Manol zimmî mülküne ve bir cânibi tarîk-i âm müntehî mülk menzilimi ba‘de’t-tahliyye mezbûr Dimitri yedine rehin vaz‘ ve teslîm edip ol dahi irtihân ve tesellüm eyledi dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sâmin min Saferi’l-hayr li sene 1074. Şuhûdü’l-hâl: Abdi Çelebi, Mehmed Çelebi b. Abdullah, çukadar Ali Beşe, Mehmed b. Abdullah, Yusuf b. Musa, Yusuf b. Abdullah, Palaş v. Dimitri, Yorgaki v. Yani, Nikola v. Todori, Apostol v. Petro, Sava v. Tavanoli?, Dimitri v. Zagori, Yamandi Kürkçü.