İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 549 Hüküm no: 708 Orijinal metin no: [63a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Silivrikapısında oturan Kondi v. Kiga’nın değirmene ait kendi hissesini Kosta v. Kiro’ya sattığı Mülknâme-i hisse-i değirmen Mahmiye-i İstanbul’da Silivrikapısı kurbunda sâkin Kondi v. Kiga nâm zimmî meclis-i şer‘de Kosta v. Kiro nâm zimmî mahzarında tav‘an ikrâr edip İbrahim Paşa vakfından olup hâlâ İstanbul’da Muhzır Ağa kāimmakāmı olan ( ) Ağa’nın tasarrufunda olan damın dâhilinde olan iki at değirmeninin alt ve üst iki taş ve on sekiz re’s bârgir ve çarhlarının ve sâir âlât-ı ma‘lûmesinin dört bölükde bir bölüğü benim mülküm ve üç bölüğü âharın mülkleri olup el-hâletü hâzihî rub‘ hisse-i şâyi‘amı on beş bin akçeye mezbûr Kosta zimmîye bey‘ ve teslîm ol dahi iştirâ ve tesellüm eyledikden sonra semeni olan meblağ-ı mezbûr on beş bin akçeyi mezbûr Kosta zimmî yedinden alıp kabz eyledim min ba‘d rub‘ hisse mezbûrun mülkü olup mutasarrıf olsun dedikde gıbbe’t-tasdîk, mâ vaka‘a bi’t-taleb ketb olundu. Fi’l-yevmi’s-sâmin min Saferi’l-hayr li sene 1074. Şuhûdü’l-hâl: Ali Bey b. Muharrem, Hüseyin Efendi el-Brusî, Ahmed Çelebi b. Mahmud, Mustafa Beşe.