İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 551 Hüküm no: 711 Orijinal metin no: [63b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Firuz mahallesinden Halil Bey b. Mehmed’in evini, Hatice bt. el-Hâc Perviz’e sattığı Mülknâme Mahmiye-i İstanbul’da Firûz Ağa mahallesi ahâlîsinden Halil Bey b. Mehmed nâm kimesne meclis-i şer‘de hâfızatü’l-kitâb Hatîce bt. el-Hâc Perviz nâm hâtun mahzarında tav‘an ikrâr edip mahalle-i mezbûrede vâki‘ bir tarafı Canbâz Mustafa mülküne ve iki tarafı kendi mülküne ve bir tarafı tarîk-i hâssa müntehî bir bâb tahtânî oda ve sofa ve kenîfi müştemil mülk menzilimi, mezbûre Hatîce Hâtun’a on yedi bin akçeye bâtten bey‘ ve teslîm ol dahi iştirâ ve tesellüm eyledikden sonra semeni olan meblağ-ı mezbûr on yedi bin akçeyi mezbûre yedinden alıp kabz eyledim min ba‘d menzil-i mezbûr mezbûre Hatîce’nin mülkü olmuşdur dedikde gıbbe’t-tasdîk, mâ vaka‘a bi’t-taleb ketb olundu. Fi’l-yevmi’s-sâmin min Saferi’l-hayr li sene 1074. Şuhûdü’l-hâl: Osman Ağa b. Hüseyin, es-Seyyid Muslu Çelebi b. es-Seyyid Ömer, el-Hâc Ali b. Abdurrahim el-Kasap, Abdurrahman Çelebi b. Ömer, Mehmed Çelebi b. Sâlih, el-Hâc Veli, Abdi Çelebi.