İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 563 Hüküm no: 730 Orijinal metin no: [65a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mayor v. Şemun’un, Haydar v. Kemal’e olan borcunu tecil ettiği Te’cîl Sinyora cemâ‘atinden Mayor v. Şemun nâm yahudi meclis-i şer‘-i hatîrde Haydar v. Kemal nâm yahudi tarafından husûs-ı âtîye vekîl olup nehc-i şer‘î-i mu‘teber üzre vekâleti sâbite olan İsrâfîl v. Yakob nâm yahudi mahzarında tav‘an ikrâr ve takrîr-i kelâm edip iftihârü’l-müderrisîni’l-kirâm gāib ani’l-meclis Hamîd Efendi’ye olan yüz on riyâlî guruşa emrim ile kefîl olan müvekkil-i mezbûr[a] edâ ve teslîm eyledikden sonra bana mürâca‘at eyledikde âcilen edâya iktidârım olmamağla meblağ-ı mezbûru târih-i kitâbdan altmış gün tamâmına dek edâ etmek üzre te’cîl eyledi. Min ba‘d müvekkil-i mezbûr Haydar’a müeccel yüz on üç riyâlî guruş vâcibü’l-edâ ve lâzımü’l-kazâ deynimdir dedikde gıbbe’t-tasdîk, mâ vaka‘a bi’t-taleb ketb olundu. Fi’l-yevmi’s-sâmin min Saferi’l-hayr li sene 1074. Şuhûdü’l-hâl: Ömer Çelebi b. Abdullah, Abdi Çelebi b. Hüseyin, Şükrullah Bey b. Mustafa.