İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 565 Hüküm no: 733 Orijinal metin no: [65b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Rıdvan’ın kızı Havva’ya nafaka ödemesi Nafaka Mahmiye-i İstanbul ebvâbından Topkapısı hâricinde Takyeci İbrahim Çavuş mahallesi sâkinelerinden hâfızatü’l-vesîka Ayşe bt. Süleyman nâm hâtun meclis-i şer‘-i hatîr-i lâzımü’t-tevkīrde takrîr-i kelâm edip bi hakki’l-hidâne hacr ve terbiyemde olan sagīre kızım Havva için zevc-i mutallıkım babası el-Hâc Rıdvan üzerine kadr-i ma‘rûf nafaka takdîr olunmak matlûbumdur dedikde hâkim-i muvakki‘-i sadr-ı kitâb tûbâ-lehû ve hüsnü me’âb hazretleri sagīre-i merkūme için babası mezbûr el-Hâc Rıdvan üzerine yevmî beş akçe nafaka farz ve takdîr edip vakt-i zarûretde istidâne ve sagīre-i mezbûreye sarfa ve lede’z-zafer mezbûr el-Hâc Rıdvan’a rücû‘a izin verip mâ vaka‘a bi’t-taleb ketb olundu. Fi’l-yevmi’s-sâdis aşer min Saferi’l-hayr li sene 1074. Şuhûdü’l-hâl: Mehmed Çelebi, Mahmud b. Ahmed, Hasan b. Ahmed el-Müezzin, Ahmed Çelebi b. Mahmud kethüdâ-yı muhzırân, Şükür Bey, Abdi Çelebi b. Hüseyin.