İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 566 Hüküm no: 735 Orijinal metin no: [65b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. Hacı adlı hâtunun, kocasını vasî tayin etmesi Vesâyet Mahmiye-i İstanbul’da Derviş Ali mahallesi ahâlîsinden Raziye bt. Hacı nâm hâtun meclis-i şer‘-i hatîr-i lâzımü’t-tevkīrde zevci hâfızü’l-kitâb Mustafa b. Şaban nâm kimesne mahzarında tav‘an ikrâr-ı tâm edip ben dâr-ı fenâdan dâr-ı bekāya rıhlet eylediğimde mezbûr Mustafa iki bin akçe kıymetli sîm raht kuşağımı semen-i misli ile bey‘ ve semenini kadr-i kifâye techîz ve tekfînime ve eyyâm-ı mu‘tâdede tabh-ı ta‘âm edip it‘âm-ı fukarâ-i müslimîn etmeye mezbûr Mustafa’yı vasiyy-i muhtâr nasb ve ihtiyâr eyledim dedikde mezbûr Mustafa dahi vesâyet-i merkūmeyi kabûl ve hıdemâtını edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’l-hâmis aşer min Saferi’l-hayr li sene erba‘a ve seb‘în ve elf. Şuhûdü’l-hâl: Es-Sâbikūn.