İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 566 Hüküm no: 736 Orijinal metin no: [65b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. Ali’nin Sarrâc Hasan b. Abdullah’a olan borcunu ödemesi gerektiği İkrâr-ı deyn ve yemîn Sarrâc tâifesinden Hasan b. Abdullah mahfil-i kazâda işbu bâ‘isetü’l-vesîka Raziye bt. Ali nâm hâtun mahzarında üzerine da‘vâ ve takrîr-i kelâm edip mezbûre Raziye zimmetinde cihet-i karz-ı şer‘îden bin altı yüz akçe hakkım vardır, hâlâ taleb ederim suâl olunsun dedikde gıbbe’s-suâl mezbûre Raziye cevâbında cihet-i mezbûreden müdde‘î-i merkūma ancak zimmetimde yedi yüz on akçe deynim vardır deyû ikrâr ve ziyâde sekiz yüz doksan akçeyi inkâr edicek müdde‘î-i mezbûrdan ziyâdeye beyyine taleb olundukda ityân-ı beyyineden izhâr-ı acz edip istihlâf etmeğin fi’l-vâki‘ ikrârı mertebesinden ziyâde sekiz yüz doksan akçe müdde‘î-i mezbûre deyni olmadığına merkūme Sâliha’ya yemîn teklîf olundukda ol dahi alâ vefki’l-mes’ûl yemîn billâhi te‘âlâ etmeğin ikrârı mûcebince meblağ-ı mezbûr yedi yüz on akçeyi müdde‘î-i merkūma edâ ve teslîme merkūme Sâliha’ya tenbîh birle mâ vaka‘a bi’t-taleb ketb olundu. Fi’l-yevmi’r-râbi‘ aşer min Saferi’l-hayr li sene erba‘a ve seb‘în ve elf. Şuhûdü’l-hâl: Mehmed Beşe b. Yakub, Pîrî Çelebi b. Hüseyin, Ahmed Çelebi b. Mahmud, Hüseyin b. Ebûbekir, İsmail b. Mehmed.