İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 699 Hüküm no: 940 Orijinal metin no: [89b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Litorya bt. Avre’nin ölen kocası Siyon Voyvoda v. İstefani’nin borcunu üstlendiğif Mahmiye-i İstanbul’da Kasım Ağa mahallesinde sâkine Litorya bt. Avre nâm nasrâniyye meclis-i şer‘-i hatîrde işbu râfi‘ü’l-kitâb umdetü’l-a‘yân Yahya Çelebi b. Mustafa mahzarında ikrâr ve takrîr-i kelâm edip zevcim olup bundan akdem hâlik olan Siyon Voyvoda v. İstefani zimmetinde cihet-i karz-ı şer‘îden mezbûr Yahya Çelebi’nin yirmi altı bin fıddî râyic fi’l-vakt akçe hakkı olup meblağ-ı mezbûra emr u kabûlü hâviye kefâletle ben kefîl olmuş idim hâlâ bi hükmi’l-vekâle meblağ-ı mezbûr yirmi altı bin akçe mezkûr Yahya Çelebi’ye zimmetimde vâcibü’l-edâ ve lâzımü’l-kazâ deynimdir dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr li’s-seneti’l-mezbûre. Şuhûdü’l-hâl: Ahmed b. Mehmed, Mehmed Çelebi b. Ali, Ali Beşe b. Yahya, Ali Çavuş b. Yusuf ve gayruhüm.