İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 710 Hüküm no: 953 Orijinal metin no: [92a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah’ın Mustafa b. Abdülkadir adlı küçüğü evlat edindiği (Tebennî) Abdülkādir b. Satılmış nâm kimse Mustafa nâm sagīr oğlunu meclis-i şer‘-i şerîf ve mahfil-i dîn-i münîfde medîne-i mahmiye-i Kostantıniyye mahallâtından Mustafa Paşa mahallesinde sâkin olan Mehmed b. Abdullah nâm kimseye teslîm etti. Mezbûr Mehmed de tebennî, terbiye ve ıyâle için sagīr-i merkūmu ondan teslîm aldı. İşbu hüccet-i şer‘iyyenin üzerinde imzâsı bulunan hâkim, sagīr-i merkūmu istirdâd ve taleb hakkı kime âidse o kimse üzerine sagīr-i mezbûrun nafakası için zeyilde mezkûr târihden i‘tibâren yevmî râyicü’l-vakt dört akçe farz ve takdîr etti. Hâkim-i müşârün-ileyh ayrıca meblağ-ı mefrûz-ı mezbûru sagīr-i merkūmun havâic-i lâzımesine sarf etmesine ve vakt-i hâcette istidâne edip vakte’z-zafer taleb hakkı sâhibine rücû‘ etmesine mezbûr Mehmed’e izin verdi. Cerâ zâlike ve hurrire fi’l-yevmi’l-hâdî fî şehri Rebî‘ilâhir sene erba‘a ve seb‘în ve elf. Şuhûdü’l-hâl: Bayram b. Hasan, Mahmud b. Mehmed, Veli b. Mahmud, Pîrî Çelebi b. Ahmed, Mustafa b. Ali, Yusuf b. Musa.