İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 748 Hüküm no: 1009 Orijinal metin no: [100a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf Ağa’nın miras işleri için eşi ve oğlunun Ali Bey b. Mustafa’ya vekâlet verdikleri Mahmiye-i İstanbul’da Nahilbend mahallesinde sâkin iken bundan akdem vefât eden Yusuf Ağa nâm kimesnenin zevce-i metrûkesi Sâliha Hâtun bt. Abdullah ve sulbî kebîr oğlu Ahmed Çelebi meclis-i şer‘de işbu râfi‘ü’l-kitâb Ali Bey b. Mustafa mahzarında her biri takrîr-i kelâm edip müteveffâ-yı mezbûrun vasiyy-i muhtârı olan Yusuf Efendi ile ber mûceb-i defter-i kassâm ve hâric ez-defter makbûzu olan cemî‘ tereke-i müteveffâ-yı mezbûra müte‘allika âmme-i de‘âvâya mezbûr Ali Bey’i tarafımızdan vekîl ve menâbına nâib nasb ve ta‘yîn eyledik dediklerinde, ol dahi vekâlet-i mezbûreyi kabûl ve merâsimini edâya müte‘ahhid olmağın mâ vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn [min] şehri Rebî‘ilâhir li sene erba‘a ve seb‘în ve elf. Şuhûdü’l-hâl: Abdi Çelebi b. Hüseyin, Mehmed Çelebi b. Ali, Baba Resûl el-Muhzır.