İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 764 Hüküm no: 1033 Orijinal metin no: [103b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rikiz v. Nurcan’ın Melkon v. Denk’deki alacağının bir kısmını aldığı Mahrûse-i Galata a‘mâlinden Beşiktaş kasabasında sâkin Rikiz v. Nurcan nâm Ermeni meclis-i şer‘-i hatîr-i lâzımü’t-tevkīrde işbu bâ‘isü’s-sifr Melkon v. Denk nâm Ermeni muvâcehesinde ikrâr ve takrîr-i kelâm edip yedimden müşterâ ve makbûz emti‘a-i mütenevvi‘a semeninden merkūm Melkon zimmetinde on üç bin akçe hakkım olup meblağ-ı mezkûr on üç bin akçeyi mezbûr Melkon yedinden bi’t-tamâm ve’l-kemâl ahz u kabz eyledim ba‘de’l-yevm mesfûr Melkon zimmetinde bir akçe ve bir habbe hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘i aşer min şehri Rebî‘ilâhir li sene erba‘a ve seb‘în ve elf. Şuhûdü’l-hâl: Oruc b. Mustafa, Ömer Beşe b. Hasan, el-Hâc Ahmed b. Mahmud, Abdi Çelebi b. Receb ve gayruhüm.